सामाजिक अध्ययन कक्षा - १० (एकाई- १ देखी एकाई- ५ सम्म) नयाँ पाठ्यक्रम : २०८०
सामाजिक अध्ययन कक्षा - १० (एकाई- १ देखी एकाई- ५ सम्म) नयाँ पाठ्यक्रम : २०८० (Social Studies Class- 10) एकाइ - १ हामी र हाम्रो समाज ( We and Our Society) पाठ - १ सामाजिकीकरण (Socialization) तलको प्रश्नहरुको अति छोटो उत्तर दिनुहोस्। १. सामाजिकीकरण भनेको के हो ? सामाजिकीकरण भनेको - समाजमा रहेका मूल्य मान्यता , चालचलन , नीति नियम , बुझ्ने बुझाउने , सिक्ने सिकाउने प्रक्रिया हो। - व्यक्तिले अनुकरण , सल्लाह सुझाव र भाषाका माध्यमबाट समूहको मूल्य मान्यता , व्यवहार , जीवनशैली , परम्परा , विचार तथा सामाजिक व्यवहार सिक्ने प्रक्रिया हो। २. नेपाली बृहत शब्दकोषले सामाजिकीकरणलाई कसरी परिभाषित गरेको छ ? नेपाली बृहत शब्दकोष अनुसार् , " मानिसका गतिविधिलाई समाजसँग अनुकूल बनाउने वा सामाजिक बनाउने प्रक्रियालाई समाजिकिकारण भनिएको छ।" ३. सामाजिकीकरण किन आवश्यक छ ? एक वाक्यमा लेख्नुहोस। मानिस सामाजिक प्राणी भएकोले र समाजमा भएका विभिन्न जात , धर्म , संस्कृतिका मानिसहरुसँग मिलेर बस्नुपर्ने भएकाले सामाजिकीकरण आवश्यक छ